ശീതകാല കൊടുങ്കാറ്റ് പ്രവചനാതീതമായ നാശം വിതക്കും ; തണുത്ത മാസങ്ങളിൽ ചുഴലിക്കാറ്റിന്റെ തീവ്രത നേരത്തെ പ്രതീക്ഷിച്ചതിലും വർദ്ധിക്കും എന്ന് ഗവേഷകർ


ഏത് കാലാവസ്ഥയിലും ചുഴലിക്കാറ്റുകൾ ഉണ്ടാകാമെങ്കിലും, മാർച്ച് മുതൽ ജൂലൈ വരെയുള്ള വേനൽ കാലത്താണ്‌ സാധാരണയായി യുണൈറ്റഡ് സ്റ്റേറ്റ്സിൽ ഏറ്റവും ശക്തമായ ചുഴലിക്കാറ്റുകൾ രേഖപ്പെടുത്താറുള്ളത്. എന്നാൽ, 2021 ഡിസംബർ 10-ന് കെന്റക്കിയിലും മറ്റ് നാല് സംസ്ഥാനങ്ങളിലും അലയടിച്ച ചുഴലിക്കാറ്റിൽ 88 പേരോളം കൊല്ലപ്പെട്ടിരുന്നു. പക്ഷെ, ഇത്തരം വിനാശകരമായ ശൈത്യകാല ചുഴലിക്കാറ്റുകൾ സാധാരണമല്ല. എന്നാൽ, കാലാവസ്ഥാ വ്യതിയാനം തണുത്ത മാസങ്ങളിൽ ചുഴലിക്കാറ്റിന്റെ തീവ്രത നേരത്തെ പ്രതീക്ഷിച്ചതിലും വർദ്ധിക്കും എന്ന് ഗവേഷകർ ഡിസംബർ 13 ന് അമേരിക്കൻ ജിയോഫിസിക്കൽ യൂണിയന്റെ ഫാൾ മീറ്റിംഗിലെ ഒരു പോസ്റ്ററിൽ റിപ്പോർട്ട് ചെയ്തു.

ചൂടുള്ളതും ഈർപ്പമുള്ളതുമായ വായുപ്രവാഹങ്ങൾ തണുത്തതും വരണ്ടതുമായ കാറ്റിനടിയിൽ കുടുങ്ങുമ്പോൾ ഇടിമിന്നലുള്ള സമയത്ത് സാധാരണയായി ചുഴലിക്കാറ്റുകൾ രൂപം കൊള്ളുന്നു. വേഗത്തിൽ ചലിക്കുന്ന വായുപ്രവാഹങ്ങൾ പരസ്പരം കടന്നുപോകുമ്പോൾ, അവ കറങ്ങുന്ന ചുഴികൾ സൃഷ്ടിക്കുന്നു, അത് ലംബവും കറങ്ങുന്നതുമായ ട്വിസ്റ്ററുകളായി രൂപാന്തരപ്പെടുന്നു. പല ചുഴലിക്കാറ്റുകളും ഹ്രസ്വകാല നാശിനികളാണ്, ചിലപ്പോൾ വെറും മിനിറ്റുകൾ മാത്രം നീണ്ടുനിൽക്കുന്നവയും 100 യാർഡ് വീതി മാത്രമുള്ളവയുമാണെന്ന് ഉർബാന-ചാമ്പെയ്‌നിലെ ഇല്ലിനോയി സർവകലാശാലയിലെ അന്തരീക്ഷ ശാസ്ത്രജ്ഞനായ ജെഫ് ട്രാപ്പ് പറയുന്നു.


കഴിഞ്ഞ 20 വർഷമായി, ചുഴലിക്കാറ്റ് പാറ്റേണുകൾ മാറിയതിനാൽ ഈ വലിയ ആഘാതം സൃഷ്ടിക്കുന്ന കാലാവസ്ഥാ മാറ്റങ്ങൾ, തണുത്ത മാസങ്ങളിലും യുണൈറ്റഡ് സ്റ്റേറ്റ്സിൽ മുമ്പത്തേതിനേക്കാൾ വിശാലമായ ശ്രേണിയിൽ ചുഴലിക്കാറ്റ് അടിക്കാൻ സാധ്യത വർധിപ്പിക്കുന്നു, ട്രാപ്പ് പറഞ്ഞു. പക്ഷേ, ചുഴലിക്കാറ്റിൽ ഉണ്ടാകുന്ന മാറ്റങ്ങളും മനുഷ്യനുണ്ടാക്കുന്ന കാലാവസ്ഥാ വ്യതിയാനവും തമ്മിലുള്ള നേരിട്ടുള്ള ബന്ധം കണ്ടെത്താൻ ശാസ്ത്രജ്ഞർക്ക്‌ ഇതുവരെ കഴിഞ്ഞിട്ടില്ല. 

എന്നാൽ, ചുഴലിക്കാറ്റുകൾ കടുത്ത കൊടുങ്കാറ്റായി മാറുന്നതിൽ നിന്ന് വ്യത്യസ്തമായി, ചുഴലിക്കാറ്റുകൾ ഇപ്പോൾ വളരെ ചെറിയ തോതിലാണ് സംഭവിക്കുന്നതെന്നും, മിക്ക ആഗോള കാലാവസ്ഥാ അനുകരണങ്ങളിലും കൊടുങ്കാറ്റുകൾ ഉൾപ്പെടുന്നില്ല എന്നും, പുതിയ ഗവേഷണത്തിൽ ഉൾപ്പെടാത്ത ന്യൂയോർക്കിലെ സ്റ്റോണി ബ്രൂക്ക് സർവകലാശാലയിലെ അന്തരീക്ഷ ശാസ്ത്രജ്ഞനായ കെവിൻ റീഡ് പറഞ്ഞു.

കാലാവസ്ഥാ വ്യതിയാനം ചുഴലിക്കാറ്റുകളെ എങ്ങനെ ബാധിക്കുമെന്ന് കാണാൻ, ട്രാപ്പും സഹപ്രവർത്തകരും രണ്ട് ചരിത്രപരമായ ചുഴലിക്കാറ്റുകളുടെ അന്തരീക്ഷ അളവുകൾ ഉപയോഗിച്ച് ഗവേഷണം ആരംഭിക്കുകയും, ചൂടുള്ള കാലാവസ്ഥയിൽ ആ കൊടുങ്കാറ്റ് സംവിധാനങ്ങൾ എങ്ങനെ പ്രവർത്തിക്കുമെന്ന് അനുകരിക്കുകയും ചെയ്തു. ഗവേഷണത്തിനെടുത്ത, ആദ്യത്തെ ചരിത്രപരമായ ചുഴലിക്കാറ്റ് 2013 ഫെബ്രുവരി 10 ന് ഹാറ്റിസ്ബർഗിന് സമീപം തണുത്ത കാലാവസ്ഥയിൽ ഉണ്ടായതാണ്, രണ്ടാമത്തേത് 2013 മെയ് 20 ന് ഓക്ലയിലെ മൂറിൽ ഊഷ്മള കാലാവസ്ഥയിൽ സംഭവിച്ചതുമാണ്. ഇതര കാലാവസ്ഥാ സാഹചര്യങ്ങളിൽ ചുഴലിക്കാറ്റുകളുടെ കാറ്റിന്റെ വേഗതയും വീതിയും തീവ്രതയും എങ്ങനെ മാറുന്നു എന്ന് പ്രവചിക്കാൻ, ഗവേഷകർ ഒരു ആഗോളതാപന അനുകരണം ഉപയോഗിച്ചു. 

ഇതിൽ നിന്ന്, കാലാവസ്ഥാ വ്യതിയാനം ഭാവിയിൽ ചുഴലിക്കാറ്റുകൾ തീവ്രമാകുന്നതിന് കാരണമാകും എന്ന് ഗവേഷക സംഘം കണ്ടെത്തി. എന്നാൽ, ഗവേഷകർ പഠന ആവശ്യത്തിനായി അനുകരിച്ച ശീതകാല കൊടുങ്കാറ്റ്, അതിന്റെ ചരിത്രപരമായ കൊടുങ്കാറ്റിനേക്കാൾ എട്ട് മടങ്ങ് ശക്തിയുള്ളതായിരുന്നു, കാറ്റിന്റെ വേഗതയാണ് പ്രവചിക്കപ്പെട്ട 15 ശതമാനം വർദ്ധനവിന് കാരണമാകുന്നത്. കാലാവസ്ഥാ വ്യതിയാനം തണുത്ത മാസങ്ങളിൽ ചൂടുള്ളതും ഈർപ്പമുള്ളതുമായ വായു സംവിധാനങ്ങളുടെ ലഭ്യത വർദ്ധിപ്പിക്കുമെന്ന് പ്രതീക്ഷിക്കുന്നു, ഇത് അക്രമാസക്തമായ കൊടുങ്കാറ്റുകൾക്ക് ഒരു പ്രധാന ഘടകമാകുന്നു.

Post a Comment

0 Comments